W sobotę 20-09-2014 r. Odbyły się zawody zakończenia sezonu. Zbiórka o godz. 7.00. Niestety dla wszystkich startujących aura była niełaskawa, bo loł dyszcz jak pieron musieli my poczekać bo prognozy boły dość optymistyczne i po łósmy miało przestoć także my czekali w świetlicy pełni nadzieji, futry rozrobione roboki przygotowane to cza było czekać. Stanowiska rozlosowali my we świetlicy i ustalili my, że ruszomy ło dziewiaty dyszcz faktycznie przestoł loć no i my tyż zaczli. Ryby jak to ryby – jednymu brały lepi drugiemu gorzi, ale źle niy boło. 1 miejsce zdecydowanie wygroł Szewc Piotr z wynikiem 5400. Niy wiymy co do ty wody ciepoł, ale jaziom i leszczom smakowało. 2 plac zajoł nowy mistrz Studziński Krzysztof z wynikiem 3800, a trzeci boł Gajda Krzysztof kery mioł ino trocha myni, czyli 3780. Reszta wyników w odpowiedni zakładce. Pod koniec zawodów zaczło trocha sipić, ale nie przeszkodzało nom to w zjedzyniu golonka popijajanego złocistym napojym. Dziękujymy wszystkim uczestnikom, że mimo kiepski pogody prziszli na zawody. Oby do wiosny. Zaś bydom nowe zawody i nowo rywalizacja.
